Maangal neerodai vaanchithu

மான்கள் நீரோடை வாஞ்சித்து {Maangal neerodai vaanchithu

மான்கள் நீரோடை வாஞ்சித்து

கதறும்போல் தேவனே

எந்தன் ஆத்துமா உம்மையே

வாஞ்சித்துக் கதறுதே

தஞ்சம் நீர் அடைக்கலம் நீர் 

கோட்டையும் நீர் என்றும் காப்பீர்

 

1.தேவன் மேல் ஆத்துமாவே

தாகமாயிருக்கிறதே

தேவனின் சந்நிதியில் நின்றிட

ஆத்துமா வாஞ்சிக்குதே   - தஞ்சமே

 

2.ஆத்துமா கலங்குவதேன்

நேசரை நினைத்திடுவாய்

அன்பரின் இரட்சிப்பினால் தினமும்

துதித்துப் போற்றிடுவோம்    - தஞ்சமே

 

3.யோர்தான் தேசத்திலும்

எர்மோன் மலைகளிலும்

சிறுமலைகளிலிருந்தும் உம்மை

தினமும் நினைக்கின்றேன்     - தஞ்சமே

 

4.கன்மலையாம் தேவன்

நீர் என்னை ஏன் மறந்தீர் 

எதிரிகளால் ஒடிங்கி அடியேன்

துக்கத்தால் திரிவதேனோ   - தஞ்சமே

 

5.தேவரீர் பகற்காலத்தில்

கிருபையைத் தருகின்றீர்

இரவினில் பாடும் பாட்டு எந்தன்

வாயினிலிருக்கிறது  -  தஞ்சமே